İyirmi illik fasilədən sonra Masallı rayonunun Səmidxan kəndinə mavi qazın verilişi bərpa olunub. APA-nın cənub bürosunun məlumatına görə, bu münasibətlə keçirilən toplantıda Masallı Rayon İcra Hakimiyyətinin başçısı Qəzənfər Ağayev çıxış edərək əlamətdar hadisə münasibətilə kənd sakinlərinə təbrikini çatdırıb. İcra başçısı  20 illik fasilədən sonra bu yaşayış məntəqəsinə qazın verilişini ölkə rəhbərliyinin regionlara diqqəti kimi dəyərləndirərək, bu sahədə işlərin davam etdiriləcəyini bildirib.

        Toplantıda kənd sakinlərindən  İmanqulu Məmmədov, Həzrətqulu Həsənov, Mirqurban Kərimov və başqaları söz alaraq onların sosial-rifah halının yaxşılaşdırılması, məişət problemlərinin həlli üçün zəhmət çəkmiş bütün insanlara – "Azəriqaz” İstehsalat Birliyinin işçilərinə, o cümlədən  ölkə və rayon rəhbərliyinə minnətdarlıqlarını ifadə etdilər.