“Xəzər Lənkəran”da növbəti əlamətdar olay - 25 Августа 2011

Главная » 2011 » Август » 25 » “Xəzər Lənkəran”da növbəti əlamətdar olay

16:46 “Xəzər Lənkəran”da növbəti əlamətdar olay
Unibank Premyer Liqasının III turunda "Turan”la oyun 2 futbolçunun ilk dəfə "Xəzər Lənkəran”ın heyətində qol vurması ilə əlamətdar olub. Lent.az-ın Lənkəran klubunun rəsmi saytına istinadən verdiyi məlumata görə, "dubl” müəllifi Branimir Subaşiçlə matçdakı son qolu vuran Rikardo Qomeş "ağ-yaşıllar”ın heyətində qol hesabını açıblar. Bununla da "Xəzər Lənkəran”da qol vuran oyunçuların ümumi sayı 68-ə çatıb. Bunlardan 42-si legionerdir. Rikardo qol vuran 42-ci legioner və 7-ci braziliyalıdır. Ona qədər Denis Silva 3, Dieqo Qusmao Souza 4, Junior Osvaldo 11, Kristian Martins Kabral 2, Mario Souza 26, Romulo Silvano 8 qola imza atmışdı. Bir sözlə, 7 braziliyalı snayperin ifasında 55-ci qol tovuzlularla matçda vurulub. Subaşiç isə həmyerlisi – 3 qol vurmuş Marinko Petroviçdən sonra komandada fərqlənən 2-ci serbiyalı olub. Hücumçu "Xəzər Lənkəran”ın tarixində 59-cu, ölkə çempionatlarında isə 39-cu "dubl”unun müəllifi olub. O, "ağ-yaşıl” formada 1 matçda 2 qol vuran 30-cu oyunçu kimi tarixə düşüb.
1 2 3 4 5 Просмотров: 252 \| Добавил: apacenub \| Рейтинг: 0.0/0