Главная » 2011 » Май » 11 » Təhsil Nazirliyi qarşında keçirilən razılaşdırılmamış aksiyada saxlanılaraq barəsində həbs-qətimkan tədbiri seçilmiş şəxslərdən dördünün adı
17:18 Təhsil Nazirliyi qarşında keçirilən razılaşdırılmamış aksiyada saxlanılaraq barəsində həbs-qətimkan tədbiri seçilmiş şəxslərdən dördünün adı |
Mayın 6-da bir qrup dindarın
Təhsil Nazirliyinin binasının qarşında keçirdiyi qanunsuz aksiya zamanı
saxlanılan şəxslərdən beşi barəsində 2 ay müddətinə həbs-qətimkan
tədbiri seçilib. Bu barədə APA-ya vəkil
Dilqəm Ağayev məlumat verib. Dilqəm Ağayev həmin şəxslərin Bakı İstintaq
Təcridxanasında saxlanıldığını deyib: "Onlardan mənim müdafiə etdiyim
İsmayılov Tərlan Balakişi oğlu, Orucov Şirxan, Araz və Taleh adlı
şəxslərin adı bizə məlumdur. Hər biri adi vətəndaşdır. Bu işlə bağlı
istintaq qrupu yaradılıb və istintaqı beş müstəntiq aparır. Hələlik
konkret ittiham aktı hazır olmadığına görə, saxlanılan şəxslər barədə
ətraflı məlumatım yoxdur”.
Qeyd edək ki, həmin gün qanunsuz aksiya keçirməyə cəhd edən, ictimai
qaydanı pozan hərəkətlərə yol verən və polisin qanuni tələbinə tabe
olmadan müqavimət göstərən 65 nəfər saxlanılıb. Onlardan 5 nəfəri
Cinayət Məcəlləsinin 221.2-ci və 221.3-cü (xuliqanlıq) maddələri ilə
cinayət məsuliyyətinə cəlb ediliblər. Saxlanılan şəxslərdən 38 nəfəri
xəbərdarlıq edildikdən sonra sərbəst buraxılıb, 22 nəfər barəsində isə
toplanmış materiallar aidiyyəti üzrə rayon məhkəmələrinə göndərilib.
Faktla bağlı Bakı Şəhər Prokurorluğu tərəfindən Cinayət Məcəlləsinin
221.2.1 (bir qrup şəxs tərəfindən xuliqanlıq) və 221.2.2-ci (ictimai
qaydanın pozulmasının qarşısını alan hakimiyyət nümayəndəsinə müqavimət
göstərmə) maddələri ilə cinayət işi başlanıb. İstintaq Bakı Şəhər Baş
Polis İdarəsi tərəfindən aparılır.
|
Просмотров: 249 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|