Главная » 2011 » Май » 14 » Şamaxıda dolu yağması nəticəsində 1000-dən artıq fərdi evin dam örtüyü dağılıb, yüzədək avtomobilə ciddi ziyan dəyib
13:58 Şamaxıda dolu yağması nəticəsində 1000-dən artıq fərdi evin dam örtüyü dağılıb, yüzədək avtomobilə ciddi ziyan dəyib |
Şamaxı rayonuna yağan güclü dolu
fərdi evlərin, ictimai binaların, sosial obyektlərin dam örtüyünə,
avtomobillərə, əkin sahələrinə və meyvə bağlarına çox ciddi ziyan vurub.
Rayon icra hakimiyyəti başçısının müavini Ağamustafa Vahidov APA-nın
Şirvan bürosuna bildirib ki, mayın 14-də gecə saat 00:45 radələrində
Şamaxı şəhərinə və 14 kəndə diametri 6-7 santimetr olan dolu düşüb. On
dəqiqə ərzində dolu rayonun təsərrüfatına küllü miqdarda ziyan vurub.
İlkin məlumata görə 1000-dən artıq vətəndaşın fərdi yaşayış evininin,
110-a yaxın ictimai binanın, 12 sosial obyektin dam örtüyü tamamilə
sıradan çıxıb. Əkin sahələri və üzüm bağları məhv olub, digər meyvə
bağları yararsız hala düşüb. Bundan əlavə dolu dənələri 100-dən çox
minik avtomobilini əzib, şüşələrini sındırıb. Ziyan çəkmiş vətəndaşların
müraciətinin qəbulu hələ də davam edir. Hadisə gecə baş verdiyi üçün
ölən və xəsarət alan barədə hələlik məlumat yoxdur. Faktla bağlı rayon
fövqəladə hallar komissiyası araşdırma aparır, vətəndaşların
müraciətlərini qəbul edir. Hadisə ilə əlaqədar Fövqəladə Hallar
Nazirliyinə və Nazirlər Kabinetinə rəsmi məlumat verilib.
|
Просмотров: 291 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|