Saatlı rayonunun Gomuşçu kəndinin ərazisində, Hacıqabul-Bəhrəmtəpə magistral yolun yaxınlığında  tutumu 2 min ton olan soyuducu anbar kompleksi inşa edilmişdir. 1,5 hektar ərazidə tikilən və smeta dəyəri 3,2 milyon manat təşkil edən soyuducu kameranın inşası üçün İqtisadi İnkişaf Nazirliyinin Sahibkarlığa Kömək Milli Fondu tərəfindən 2 milyon manat uzunmüddətli güzəştli kredit ayrılmışdır.

Soyuducu anbar kompleksi üçün avadanlıqlar Türkiyə, Almaniya və İtaliyadan alınmışdır. Burada 24 nəfər daimi işçi çalışacaqdır. Mövsümü işlərə isə 60 nəfər əlavə işçi cəlb ediləcəkdir.