Qonşusunu bıçaqlayan Qusar sakininin məhkəməsi başladı - 17 Мая 2011

Главная » 2011 » Май » 17 » Qonşusunu bıçaqlayan Qusar sakininin məhkəməsi başladı

18:44

Qonşusunu bıçaqlayan Qusar sakininin məhkəməsi başladı

Bakı Ağır Cinayətlər Məhkəməsində qonşusunu bıçaqlayan idmançının məhkəməsi başlayıb.

Gün.Az xəbər verir ki, ittihama görə, Qusar rayonunun Tolstoy küçəsi, 25 ünvanda yaşayan, əvvəllər Rusiyada cinayət törətdiyi üçün məhkum edilmiş 32 yaşlı Eyvaz Əlipolad oğlu Nağıyev Cəfər Cabbarlı küçəsində yerləşən 5 nömrəli məktəbin qarşısında qonşusu Araz Pirəhməd oğlu Pirəhmədovu bıçaqlayıb.

Dərhal Qusar rayon Mərkəzi Xəstəxanasının cərrahiyyə şöbəsinə çatdırılan Araz Pirəhmədovun həyatını xilas etmək mümkün olub. Eyvaz Nağıyev cinayət məcəlləsinin qəsdən adam öldürməyə cəhd maddəsi ilə təqsirləndirilir. Məhkəmə hakim Eldar İsmayılovun sədrliyi ilə keçirilir.

Qeyd edək ki, təqsirləndirilən şəxs idmanın güləş növü ilə məşğul olub. Zərərçəkən isə Qusar rayonunda yerləşən orta məktəbdə müəllim işləyib. Hadisəyə səbəb şəxsi münasibətlər olub.