Главная » 2011 » Май » 4 » “Ölkənin inkişafında İKT və mobil rabitənin rolu” mövzusunda müsabiqə keçirilir
15:34 “Ölkənin inkişafında İKT və mobil rabitənin rolu” mövzusunda müsabiqə keçirilir |
Azərbaycan Rabitə və İnformasiya
Texnologiyaları Nazirliyinin iştirakı, «Azerfon» şirkətinin dəstəyi,
«Yeni Nəsil» Jurnalistlər Birliyi və Azərbaycan Jurnalistlər Birliyinin
təşkilatçılığı ilə «Ölkənin inkişafında İKT və mobil rabitənin rolu»
mövzusunda jurnalistlər üçün müsabiqəyə start verilib.
Müsabiqə «İKT-Media dialoqu» platforması çərçivəsində keçirilir.
Müsabiqənin məqsədi İKT, xüsusən də mobil rabitə sahəsində əhalinin
maarifləndirməsi, İKT sektorunda yeni inkişaf imkanlarının
araşdırılması, həmçinin medianın texniki və iqtisadi dayaqlarının
möhkəmləndirilməsinə yardım göstərməkdir.
Azərbaycanın dövlət müstəqilliyinin bərpasının 20 illiyinə həsr edilmiş
müsabiqədə çap və elektron media nümayəndələri iştirak edə bilər. Mayın
5-dən start verilən müsabiqə 1 ay müddətində davam edəcək. Müsabiqənin
mövzuları «Mobil rabitə sahəsində yeni imkanlar», «Mobil rabitə
xərclərinə necə qənaət etməli», «Mobil rabitədə şəffaflıq», «Nömrə
daşınması layihəsi - müştərilər üçün üstünlüklər», «Medianın inkişafında
mobil rabitədən istifadə», «İnternetə çıxışın genişlənməsində mobil
rabitənin rolu», «Sosial inkişaf üçün mobil rabitədən istifadə»,
«Azərbaycanda İKT sahəsinin inkişafında mobil rabitənin rolu» və
«Rouminq mobil rabitənin əsas xassələrindən biri kimi» ibarətdir.
Müsabiqənin qalibləri Rabitə və İnformasiya Texnologiyaları Nazirliyi,
«Azerfon» şirkəti, «Yeni Nəsil» Jurnalistlər Birliyi və Azərbaycan
Jurnalistlər Birliyinin nümayəndələrindən ibarət ekspertlər komissiyası
tərəfindən müəyyən olunacaq.
Materiallar (məqalələr, TV/radio materiallar, fotoreportajlar və s.)
yn@yeninesil.az və corpcom@azerfon.az e-mail ünvanlarına, həmçinin Bakı
şəhəri, Neftçilər prospekti, 145/5 ünvanında yerləşən «Yeni Nəsil»
Jurnalistlər Birliyinə təqdim edilməlidir.
Müsabiqə nəticəsində 5 qalib seçiləcək (1-ci yer - 1 nəfər, 2-ci yer - 2
nəfər, 3-cü yer - 2 nəfər) və 5 xüsusi mükafat veriləcək. Müsabiqədə
1-ci yerin qalibi 500 manat, 2-ci yerin qalibi 300 manat, 3-cü yerin
qalibi - 200 manat məbləğində mükafat alacaq. Xüsusi mükafatların
məbləği isə 100 manat təşkil edəcək.
|
|
Просмотров: 257 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|