Misir Mərdanov: “Attestat ala bilməyən məzunların şəhadətnamələrini almalarında heç bir problem ola bilməz” - 30 Июня 2011

Главная » 2011 » Июнь » 30 » Misir Mərdanov: “Attestat ala bilməyən məzunların şəhadətnamələrini almalarında heç bir problem ola bilməz”

19:47 Misir Mərdanov: “Attestat ala bilməyən məzunların şəhadətnamələrini almalarında heç bir problem ola bilməz”
"Buraxılış imtahanlarının nəticələrinə əsasən attestat ala bilməyən məzunlar 9 illik şəhadətnamələrini almalıdırlar. Bu sənədlərin verilməsində heç bir problem ola bilməz”. Bunu APA-ya açıqlamasında təhsil naziri Misir Mərdanov deyib. Azərbaycanın bəzi orta məktəblərində attestat ala bilməyən məzunların texnikumlara sənəd vermək üçün 9 illik şəhadətnamələrini almaları ilə bağlı yaranan problemlərə münasibət bildirən nazir bu cür problemlərlə rastlaşan məzunlara ona müraciət etməyi məsləhət görüb: "Eyni zamanda 210 min adamın sənədini vermək və yazmaq problemdir. Ona görə də biz qərara almışıq ki, birinci XI siniflərin, ondan sonra IX siniflərin sənədləri verilsin. Əgər hər hansı bir problem yaransa, mənə müraciət edə bilərlər, problem dərhal həllini tapacaq”. Tələbə Qəbulu üzə Dövlət Komissiyasının sədri Məleykə Abbaszadə isə APA-ya bildirib ki, Təhsil Nazirliyi yaxın vaxtlarda IX siniflər üzrə baza məlumatlarını komissiyaya təqdim edəcək. Bundan sonra attestat ala bilməyən məzunların texnikumlara sənəd verməsində heç bir problem olmayacaq: "Sənəd qəbulu bir ay davam edəcək. Əgər baza varsa, sənəd qəbulu üçün şəhadətnamələr lazım deyil”.
1 2 3 4 5 Просмотров: 492 \| Добавил: apacenub \| Рейтинг: 0.0/0