Главная » 2011 » Июль » 21 » Mirça Rednik: Cütün taleyini Təl-Əvivdəki ilk hissə həll etdi
22:13 Mirça Rednik: Cütün taleyini Təl-Əvivdəki ilk hissə həll etdi |
"Domanı məcburiyyətdən əvəzlədim, zədə almışdı.
Eləcə də Onofraşı. Sonradan meydana daxil olanlar komandaya kömək edə
bilmədilər. Futbolçular hazırlığa gec başlamışdılar. Bu amil öz sözünü
dedi”. Apasport.az saytının xəbərinə görə, bunu "Xəzər Lənkəran”ın baş
məşqçisi Mirça Rednik deyib.
O, Avropa Liqasının II təsnifat mərhələsinin "Makkabi” ilə cavab
oyunundan sonra fikirlərini açıqlayıb.
"Nəzərə alaq ki 3 hissə yaxşı oynadıq. Rəqib təcrübəli və güclü
komandadı. Bu cütün taleyini Təl-Əvivdəki ilk hissə həll etdi. Orda
qollu heç-heçə oynasaydıq, bu gün nəyəsə nail ola bilərdik” – deyə,
Rednik bildirib.
Rednik bildirib ki, ilk yarıda 4 qol vəziyyəti yaratsalar da, bundan
istifadə edə bilməyiblər: "Bundan yararlansaq, nəticə başqa cür ola
bilərdi. İndi taktikadan danışmağın mənası yoxdur. Məcburən uzun
ötürmələrdən istifadə edirdik. Souza, Rikardo və Rahid eyni planlı
futbolçulardır. Ona görə də, Souzanı ehtiyatda saxladım. Hakimlərin
işindən narazılığım yoxdur. Amma səfərdəki matçda narazı qaldığım
epizodlar var. Nəticəyə görə üzgünəm və azarkeşlərdən üzr istəyirəm”.
Xatırladaq ki, ilk oyunda 1:3 hesabı ilə uduzduğundan "Xəzər Lənkəran”
mübarizəni dayandırıb.
|
Просмотров: 264 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|