Premyer Liqanın 31-ci turu çərçivəsində
"Xəzər Lənkəran" klubu öz meydanında "Bakı"nı qəbul edib. Qol.Az-ın
məlumatına görə, rəqibini 2:0 hesabı ilə məğlub edən "Xəzər Lənkəran"
klubunun baş məşqçisi Mirça Rednik oyundan sonra keçirilən mətbuat
konfransında bunları deyib:
"İlk növbədə azarkeşlərə təşəkkürümü bildiriəm. Sağ olsunlar ki, yenə
də stadiona gəlib sona qədər bizi dəstəklədilər. Oyuna gəldikdə isə hər
iki komanda çoxlu real imkanlar yaratdı. Bu oyun iki saat öncə şou
xarakterli "Qarabağ” – "Neftçi” oyunundan çox fərqli bir qarşılaşma
oldu".
Rednik "Bakı”nın baş məşqçisinin işinə də müsbət
qiymətini verib: "Həmkarımı da təbrik etmək istəyirəm, onun yaratdığı
komanda kifayət qədər təşkilatlanmış və intizamlı oyun göstərir. Başa
düşürəm ki, onun üçün çox çətindir, çünki o yalnız final mərhələsi
öncəsi komandaya gəlib. Qarşıda bizi axırıncı oyun gözləyir. Biz
"Neftçi” ilə qarşılaşacağıq və bu bizim üçün şərəf oyunu olacaq”