Главная » 2011 » Июнь » 15 » Lənkəranın dağ kəndlərində yeni körpülər istifadəyə verilib
07:24 Lənkəranın dağ kəndlərində yeni körpülər istifadəyə verilib |
 Lənkəran rayonunun dağlıq yaşayış
məntəqələrinə gedən yollarda metal konustruksiyalı yeni körpülər
istifadəyə verilib. APA-nın Cənub
bürosunun məlumatına görə, bu münasibətlə keçirilən mərasimdə rayonun
icra strukturlarının nümayəndələri, müvafiq idarələrin rəhbərləri və
yerli sakinlər iştirak ediblər. Tədbiri giriş sözü ilə açan Lənkəran
Şəhər İcra Hakimiyyəti başçısının müavini Möhübbət Babayev rayonun
Osakücə-Bəliton və Osakücə- Günəhir kənd yollarında ötən il əsaslı təmir
işlərinin aparılaraq nəqliyyatın normal hərəkətinin qaydaya
salındığını, lakin bu kəndlərə gedən yolların dərin dərələrin,
sıldırımlı çayların üzərindən və sürüşmə zonalarından keçdiyinə görə
tez-tez sıradan çıxdığını qeyd edib. M.Babayevin sözlərinə görə, bu
maneələri aradan qaldırmaq üçün Nəqliyyat Nazirliyinin "Azəryolservis”
ASC tərəfindən yol boyu 4 ədəd metal konstruksiyalı dəmir-beton körpü
tikilməklə həmin yaşayış məntəqələrinə nəqliyyatın bütün növlərinin, o
cümlədən minik maşınlarının sərbəst hərəkəti tam təmin edilib.
Mərasimdə çıxış edən "Azəryolservis” ASC-nin sədr müavini Şaiq Bilalov
inşasına ötən ilin avqust ayında başlanan bu körpülərin Milli Qurtuluş
günü ərəfəsində istifadəyə verilməsini hökumətin dağ kəndlərinin
sakinlərinə layiqli hədiyyəsi kimi dəyərləndirib.
Qeyd edək ki, yeni körpülərin xidmətindən Lənkəranın 6 dağ kəndi, o
cümlədən 2800 sakini yararlana biləcək.
|
|
Просмотров: 291 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|