Lənkəranda yol qəzasında bir nəfər ağır xəsarət alıb - 15 Июня 2011

Главная » 2011 » Июнь » 15 » Lənkəranda yol qəzasında bir nəfər ağır xəsarət alıb

07:35 Lənkəranda yol qəzasında bir nəfər ağır xəsarət alıb
Lənkəranda ağır yol-nəqliyyat qəzası baş verib. Lənkəran Şəhər Polis Şöbəsinin (ŞPŞ) baş müstəntiqi Rövşən Rəşidovun APA-nın Cənub bürosuna verdiyi məlumata görə, hadisə iyunun 14-də saat 21.00 radələrində şəhərin Şəhidlər Xiyabanı küçəsi ərazisində qeydə alınıb. Rayonun Şağlakücə kənd sakini, 1978-ci il təvəllüdlü İsmayıl Zahidəli oğlu Kərimovun idarə etdiyi "Daewoo” markalı, 42 BM 666 dövlət nömrə nişanlı avtomobil Lənkəran şəhər sakini, 1986-cı il təvəllüdlü Ruslan Ağayar oğlu Hüseynovun idarə etdiyi "VAZ-2107” markalı, 42 BN 742 dövlət nömrə nişanlı avtomobillə toqquşub. Nəticədə "VAZ-2107”-nin sərnişini, Lənkəran şəhər sakini, 1989-cu il təvəllüdlü Ələsgər Əzizağa oğlu Fərzəliyev qapalı kəllə-beyin travması diaqnozu ilə Lənkəran Mərkəzi Rayon Xəstəxanasına yerləşdirilib. Müstəntiqin sözlərinə görə, hadisə "VAZ-2107” markalı avtomobilin sürücüsünün günahı ucbatından baş verib. Belə ki, ilkin versiyaya görə, sürət həddini aşan sürücü sərxoş vəziyyətdə olduğundan maşını qoyaraq hadisə yerindən qaçıb. Faktla bağlı Lənkəran ŞPŞ-də araşdırma aparılır.
1 2 3 4 5 Просмотров: 244 \| Добавил: apacenub \| Рейтинг: 5.0/1