Lənkəranda polis əməkdaşı idarə etdiyi avtomobildə çaya düşüb - 9 Июля 2011

Главная » 2011 » Июль » 9 » Lənkəranda polis əməkdaşı idarə etdiyi avtomobildə çaya düşüb

21:10 Lənkəranda polis əməkdaşı idarə etdiyi avtomobildə çaya düşüb
Azərbaycanın Lənkəran rayonunda ağır yol-nəqliyyat qəzası baş verib. APA-nın Cənub bürosunun məlumatına görə, hadisə iyulun 8-də saat 22.00 radələrində Lənkəran – Boradigah şose yolunun 7-ci kilometrliyində - Lənkəranın Veravul kəndi ərazisində qeydə alınıb. Lənkəran rayonunun Haftonu qəsəbə sakini, 1988-ci il təvəllüdlü Fuad Şəmsəddin oğlu Tağıyevin idarə etdiyi "VAZ-2105” markalı, 42 BO 015 dövlət nömrə nişanlı avtomobil idarəetməni itirərək Veravulçay körpüsündən çaya aşıb. Nəticədə avtomobilin sürücüsü F.Tağıyev qapalı kəllə beyin travması, çənə və sol bud sümüyünün sınığı, travmatik şok diaqnozu ilə Lənkəran Mərkəzi Rayon Xəstəxanasının (MRX) reanimasiya şöbəsinə yerləşdirilib. Mühafizə polisi şöbəsinin əməkdaşı olan yaralıya xəstəxanada müvafiq tibbi yardımlar göstərilsə də, onun vəziyyəti ağır qiymətləndirilir. Faktla bağlı Lənkəran Rayon Prokurorluğunda araşdırmalara başlanıb.
1 2 3 4 5 Просмотров: 238 \| Добавил: apacenub \| Рейтинг: 0.0/0