Lənkəranda Müdafiə Nazirliyinə məxsus xidməti yaşayış evində yanğın olub - 24 Июля 2011

Главная » 2011 » Июль » 24 » Lənkəranda Müdafiə Nazirliyinə məxsus xidməti yaşayış evində yanğın olub

09:01 Lənkəranda Müdafiə Nazirliyinə məxsus xidməti yaşayış evində yanğın olub
Lənkəran şəhərində yanğın hadisəsi baş verib. Fövqəladə Hallar Nazirliyinin (FHN) Dövlət Yanğın Nəzarəti Xidmətinin (DYNX) Lənkəran rayon Yanğından Mühafizə Hissəsindən APA-nın cənub bürosuna verilən məlumata görə, hadisə şəhərin Sahil küçəsində yerləşən Müdafiə Nazirliyinin Lənkəran Rayon Mənzil İstismar Sahəsinə məxsus "N” saylı hərbi hissənin 18 saylı xidməti yaşayış evində qeydə alınıb. Yanğının söndürülməsi üçün hadisə yerinə iki yanğınsöndürən maşın cəlb olunub və onların səyləri ilə yanğın lokallaşdırılıb. Xəsarət alan olmasa da, ümumi sahəsi 58 kvadratmetr olan evin 15 kvadratmetri, əsasən çardaq hissəsi yanaraq yarasız hala düşüb. Yanğının baş vermə səbəbləri hələlik bilinmir. Faktla bağlı araşdırma aparılır.
1 2 3 4 5 Просмотров: 230 \| Добавил: apacenub \| Рейтинг: 0.0/0