Главная » 2011 » Август » 11 » Lənkəranda baş verən yol qəzasında mikroavtobus aşıb, yaralananlar var
14:59 Lənkəranda baş verən yol qəzasında mikroavtobus aşıb, yaralananlar var |
Azərbaycanın Lənkəran rayonunda
iki nəfərin müxtəlif dərəcəli bədən xəsarətləri alması ilə nəticələnən
yol-nəqliyyat qəzası baş verib. Şəhər Polis Şöbəsinin (ŞPŞ) müstəntiqi
Murad Rzayevin APA-nın Cənub bürosuna
verdiyi məlumata görə, hadisə bu gün saat 11.00 radələrində şəhərin 20
Yanvar və Mirzə Məhəmməd Axund küçələrinin kəsişdiyi yerdə qeydə alınıb.
Astara rayon sakini, 1983-cü il təvəllüdlü Zamiq Zahir oğlu Əliyevin
idarə etdiyi "VAZ-2107” markalı, 07 BD 620 dövlət nömrə nişanlı
avtomobil Lənkəran-Astara marşrutu üzrə işləyən Astara rayon sakini,
1970-ci il təvəllüdlü Bəxtiyar Ariz oğlu Ələkbərovun idarə etdiyi
"QAZEL” markalı sərnişin mikroavtobusu ilə toqquşub. Zərbənin təsirindən
"QAZEL” aşıb və içindəki iki sərnişin – Astara rayon sakinləri, 46
yaşlı Feyruz Məmmədov və Ağəddin Məmmədov baş və boyun nahiyəsinin
qapalı travması və əzilməsi, kəllə-beyin travması diaqnozu ilə Lənkəran
Mərkəzi Rayon Xəstəxanasının (MRX) travmatologiya şöbəsinə
yerləşdirilib. MRX-nin şöbə müdiri Rövşən İmanverdiyevin APA-ya verdiyi məlumata görə, hər iki
yaralıya müvafiq tibbi yardım göstərilib və hazırda vəziyyətləri
stabildir. Müstəntiq M. Rzayev isə qəzanın "VAZ-2107” markalı
avtomobilin sürücüsünün "STOP” nişanının tələblərini pozması və sürət
həddini aşması səbəbindən baş verdiyini bildirib.
Faktla bağlı Lənkəran ŞPŞ-də araşdırma aparılır.
|
Просмотров: 252 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|