Lənkəranda 378 nəfər ali məktəbə daxil olub - 25 Августа 2011

Главная » 2011 » Август » 25 » Lənkəranda 378 nəfər ali məktəbə daxil olub

16:54

Lənkəranda 378 nəfər ali məktəbə daxil olub

Bu il Lənkəran rayon orta məktəblərindən ali məktəblərə qəbulla bağlı sənəd verən 937 məzunun 378 nəfəri tələbə adını qazanıb.

Bu barədə Lənkəran rayon Təhsil şöbəsinin müdir müavini Güloğlan Bağırov məlumat verib.

Onun sözlərinə görə, ali təhsil ocaqlarına qəbul olunanlardan 13-ü 600-dən, 44-ü 500-dən yuxarı nəticə göstərib. Ötən il isə şagirdlərin 326-sı qəbul olunub ki, onlardan da 5-i 600-dən yuxarı, 45-i 500-dən yuxarı bal toplayıb.

G.Bağırov deyir ki, rayon üzrə ən yüksək nəticəni şəhər 1 və 4 saylı, Haftoni və Gərmətük qəsəbə, Boladi, Şxəkəran, Türkəkəran, Gürdəni, Veravul 1 saylı, Nərimanabad-1 və digər kənd məktəblərinin şagirdləri göstəriblər.