Cəzaçəkmə müəssisəsinə narkotik vasitə keçirmək cəhdinin qarşısı alınıb - 11 Мая 2011

Главная » 2011 » Май » 11 » Cəzaçəkmə müəssisəsinə narkotik vasitə keçirmək cəhdinin qarşısı alınıb

19:06 Cəzaçəkmə müəssisəsinə narkotik vasitə keçirmək cəhdinin qarşısı alınıb
Azərbaycanda cəzaçəkmə müəssisəsinə narkotik vasitələrin keçirilməsi cəhdinin qarşısı alınıb. APA-nın Ədliyyə Nazirliyi Penitensiar Xidmətinin internet səhifəsinə istinadən verdiyi məlumata görə, mayın 11-də həyata keçirilən əməliyyat-axtarış tədbirləri nəticəsində 1 saylı Cəzaçəkmə Müəssisəsində cəza çəkən 1975-ci il təvəllüdlü, Cinayət Məcəlləsinin 221.3-cü maddəsi ilə təqsirli bilinərək 5 il müddətinə azadlıqdan məhrum edilmiş məhkum Seyidov Rövşən Eldar oğlunun yanına qısa müddətli görüşə gəlmiş anası, Əzimova Şəfiqə Səməd qızının gətirdiyi sovqata baxış keçirilib. Bu zaman sovqatın arasında çəkisi 500 qram olan, üzərində «Doymak» makaron məmulatları yazılmış 2 ədəd sellofan torbanın içərisindəki makaron dənələrinin arasında polietilen materiallara bükülərək yerləşdirilmiş 50 ədəd bükümdə, ümumi çəkisi 23,310qram olan narkotik maddə – heroin aşkar edilərək götürülüb. Fakt üzrə araşdırma aparılır.
1 2 3 4 5 Просмотров: 311 \| Добавил: apacenub \| Рейтинг: 0.0/0