Главная » 2011 » Май » 14 » Bu axşam “Eurovision-2011”-in finalıdır
13:15 Bu axşam “Eurovision-2011”-in finalıdır |
Bu gün Almaniyanın Düsseldorf şəhərində "Eurovision-2011” beynəlxalq
mahnı müsbaiqəsinin finalıdır. Azərbaycan təmsilçiləri Eldar Qasımov və
Nigar Camal səhnəyə 19-cu çıxacaqlar. Onlar "Running Scared” mahnısını
ifa edəcəklər.
Müsabiqənin şərtlərinə görə, qalib bütün iştirakçı ölkələrdə sms və
telefon zəngləri vasitəsilə tamaşaçı səsverməsi nəticəsində
müəyyənləşir. Tamaşaçılar öz ölkələrini təmsil edən ifaçılara səs verə
bilməzlər. Bu səsvermə sistemi tez-tez tənqid edilir. Xüsusilə, iddia
edilir ki, səsvermə "qonşuluq prinsipi” ilə aparılır. Bununla əlaqədar
olaraq, 2009-cu ildən tamaşaçılarla yanaşı, səsvermədə peşəkar münsiflər
heyəti hər bir ölkədən müsiqi sahəsində beş peşəkar) iştirak edir.
Münsiflər və tamaşaçıların səsləri yarıbayarı toplanır. Beləliklə, ümumi
xal əldə olunur və ölkələrə verilir.
Azərbaycanda tamaşaçılar müsabiqə günü canlı ifa zamanı bəyəndiyiniz
ölkənin çıxış nömrəsini yazıb istənilən mobil operatordan 9450 sms
nömrəsinə göndərə bilərlər. 1 SMS-in qiyməti 60 qəpikdir. 9450 sms
nömrəsi yalnız Azərbaycandan səs vermək üçündür. Hər ölkənin sms
nömrəsi yayımçı televiziyadan elan olunur. Ölkəmizdən Azərbaycan
təmsilçilərinə səs verə bilmərik. Azərbaycan təmsilçilərinə yalnız
xarici ölkə ərazisindən səs vermək olar. 1 nömrədən 20 səs göndərmək
mümkündür. Final mərhələsində çıxış edəcək ölkələrin kodu sıra nömrələri
ilə eynidir.
Finalçılar çıxış ardıcıllığı püşkatma yolu ilə müəyyənləşib. İlk çıxışı
finlandiyalı müğənni Paradis Oskar edəcək. Daha sonra Bosniya və
Hersoqovinadan olan Dino Merlin səhnəyə çıxacaq. Digər ölkələrin çıxış
ardıcıllığı belədir:
3. Danimarka
4. Litva
5. Macarıstan
6. İrlandiya
7. İsveç
8. Estoniya
9. Yunanıstan
10. Rusiya
11. Fransa
12. İtaliya
13. İsveçrə
14. Böyük Britaniya
15. Moldova
16. Almaniya
17. Rumıniya
18. Avstriya
19. Azərbaycan
20. Sloveniya
21. İslandiya
22. İspaniya
23. Ukrayna
24. Serbiya
25. Gürcüstan
"Eurovision” mahnı müsabiqəsi 1956-cı ildən keçirilir. Müsabiqənin
keçirilmə yeri əvvəlki ildə qalib gələn ifaçının təmsil etdiyi ölkə
olur.
İştirakçı ölkələrin sayı çox olduğundan, təsnifat mərhələsi - iki
yarımfinal keçirilir. Müsabiqəyə ev sahibliyi edən ölkə, eləcə də
"Eurovision”un "böyük beşliyi” - Böyük Britaniya, Almaniya, Fransa,
İspaniya, İtaliya mübarizəyə birbaşa finaldan başlayır.
|
Просмотров: 254 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|