Главная » 2011 » Май » 12 » Azərbaycanda QİÇS-dən dünyasını dəyişmiş insanların ümumdünya xatirə günü keçiriləcək
15:25
Azərbaycanda QİÇS-dən dünyasını dəyişmiş insanların ümumdünya xatirə günü keçiriləcək
Hər il may ayının üçüncü bazar
günündə QİÇS-dən dünyasını dəyişmiş insanların ümumdünya xatirə günü
keçirilir. Səhiyyə Nazirliyinin mətbuat xidmətindən APA-ya
verilən məlumata görə, həmin gün Azərbaycanda da qeyd ediləcək. Mayən
14-də Respublika QİÇS-lə Mübarizə Mərkəzi tərəfindən dövlət, beynəlxalq,
qeyri-hökumət və dini təşkilatların iştirakı ilə «Unutmayaq və QİÇS-ə
qarşı birləşək» şüarı altında dəyirmi masa keçiriləcək. Xatirə gününün
keçirilməsi cəmiyyətin diqqətini bu problemə cəlb etmək, İİV/QİÇS-lə
yaşayan insanlara qarşı stiqma və diskriminasiyanı aradan qaldırmaq,
ictimaiyyətə İİV/QİÇS haqqında düzgün informasiya çatdırmaq məqsədi
daşıyır.
Qeyd edək ki, xatirə günü ilk dəfə 1983-cü ildə San-Fransisko şəhərində
QİÇS problemini şəxsən yaşayan və ondan ciddi narahat olan insanlar
tərəfindən təsis olunub və keçirilib.
