"Dünən "İnter”lə oyundan sonra "Xəzər Lənkəran” rəhbərliyi mənimlə əlaqə saxladı. Təklif etdilər, danışıqlar apardıq və bu gün müqavilə bağladıq”. Fanat.az xəbər verir ki, bu sözləri "Xəzər Lənkəran”ın baş məşqçisi təyin olunan Yunis Hüseynov deyib.

Hüseynov komandaya sabah qoşulacağını bildirib: "Sabah Lənkərana gedəcəm, komanda ilə tanış olub işə başlayacam. "Xəzər Lənkəran”ın hədəfi dəyişməyib. Həm çempionluq, həm də kubok uğrunda mübarizə aparacağıq”.

Qeyd edək ki, Yunis Hüseynov "Xəzər Lənkəran”la 2 illik müqavilə imzalayıb. O, Lənkəran klubunda martın 18-də debüt edəcək. Həmin gün rəqib "Bakı” olacaq.