Yardımlı. Ağəddin Babayev – APA. Azərbaycanın Yardımlı rayon sakini bədbəxt hadisə nəticəsində ölüb. Rayon Polis Şöbəsinin növbətçi hissəsindən APA-nın cənub bürosuna verilən məlumata görə, hadisə ötən gün rayonun Hamarkənd kəndində qeydə alınıb. Kənd sakini, 1996-cı il təvəllüdlü Siyasət Məmmədəli oğlu Əliyevin həyətlərindəki kəsdiyi ağac onun başına düşüb. S.Əliyev aldığı xəsarətlərdən hadisə yerindəcə dünyasını dəyişib.

Faktla bağlı araşdırma aparılır.