Lənkəran Ağır Cinayətlər Məhkəməsində qaçaqmalçılıqla məşğul olmaqda təqsirləndirilən dəstənin məhkəməsi başa çatıb. APA-nın Cənub bürosunun məlumatına görə, məhkəmənin hökmü ilə Cinayət Məcəlləsinin 206-cı (qaçaqmalçılıq) və 234-cü (qanunsuz olaraq narkotik vasitələr əldə etmə, saxlama, satma və ya daşıma) maddələri ilə təqsirli bilinən Paşa Camalov 13 il, Eldəniz Qafarov 12 il, Səxavət Ağayev 11 il, Emin Bağırov 10 il müddətinə azadlıqdan məhrum edilib.

İttihama görə, təqsirləndirilən şəxslər İrandan Azərbaycana narkotik maddə olan tiryək və heroin keçirərkən sərhədçilər tərəfindən saxlanılıblar.