Azərbaycanın Cəlilabad rayonunda narkotik vasitə alveri ilə məşğul olan şəxs yaxalanıb. APA-nın Cənub bürosunun məlumatına görə, Cəlilabad Rayon Polis Şöbəsi (RPŞ) əməkdaşlarının həyata keçirdikləri əməliyyat tədbirləri nəticəsində rayonun Təzəkənd kənd sakini, 1983-cü il təvəllüdlü Fikrət Fəyyaz oğlu Ağayev məlum olmayan mənbədən əldə edib özündə saxladığı 1975 qram çəkidə narkotik vasitə sayılan həşiş qətranına oxşayan maddəni şərti alıcıya satmaq istəyərkən tutulub. Faktla bağlı Cəlilabad RPŞ-də cinayət işi açılıb, araşdırma aparılır.