Masallı. Ağəddin Babayev – APA. Azərbaycanın Masallı rayonunda ölümlə nəticələnən dəhşətli yol-nəqliyyat qəzası baş verib. Səhiyyə Nazirliyinin Masallı Rayonlararası Təcili və Təxirəsalınmaz Tibbi Yardım Stansiyasından APA-nın Cənub bürosuna verilən məlumata görə, hadisə sentyabrın 15-də saat 02.30 radələrində Masallı-Yardımlı şosesinin rayonun Ərkivan qəsəbəsindən keçən hissəsində qeydə alınıb. Masallının Köhnə Zuvand kənd sakini, 1967-ci il təvəllüdlü Əfqan Hümmət oğlu Məstiyevn idarə etdiyi "Mersedes” markalı avtomobil qəfildən idarəetməni itirərək çevrilib. Sürücü aldığı müxtəlif dərəcəli bədən xəsarətlərindən hadisə yerindəcə dünyasını dəyişib.

   Faktla bağlı Masallı Rayon Polis Şöbəsində araşdırma aparılır.