Lənkəran rayonunda tikintiyə olan tələbatı ödəmək məqsədillə yeni yataqların axtarışı və kəşfiyyat işləri aparılıb. Rayon Statistika İdarəsindən verilən məlumata görə, bu işlər "Azərbaycan Respublikası regionların 2009-2013-cü illərdə sosial iqtisadi inkişafı Dövlət Proqramı”nın icrası ilə əlaqədar görülür.

Azərbaycan Respublikası Ekologiya və Təbii Sərvətlər Nazirliyinin 1 saylı Ərazi üzrə Ekologiya və Təbii Sərvətlər şöbəsi tərəfindən Lənkəran çayı boyunca 83 ha torpaq sahəsi müəyyənləşdirilib. Gələcəkdə daş, qum-çınqıla olan ehtiyacı nəzərə alaraq həmin ərazidə yatağın qalan ehtiyatını hesablamaq üçün Ekologiya və Təbii Sərvətlər Nazirliyinə müraciət edilib.