Lənkəran-Boradigah magistral yolu bərbad vəziyyətə düşüb. Yerli sakinlərin sözlərinə görə, yolun Lənkəranın altı – Cil, Xarxatan, Şağlaser, Vilvan, Separadi, Zövlə kəndləri ərazisindən keçən hissəsində asfalt örtüyü tamamilə sıradan çıxıb, vaxtı-vaxtında təmir olunmaması yollarda iri çalalar əmələ gətirib. Sürücülər avtomobillərin hərəkətində ciddi çətinliklər yarandığını, əvvəllər 30 dəqiqəyə qət etdikləri yolu indi iki saata qət etdiklərini deyir.