Cəlilabad rayonunda yabanı halda bitmiş külli miqdarda narkotik tərkibli çətənə bitkisi aşkarlanaraq zərərsizləşdirilib. Bu barədə APA-nın Cənub bürosuna Cəlilabad Rayon Polis Şöbəsindən (RPŞ) məlumat verilib. Məlumata görə, həyata keçirilən əməliyyat-axtarış tədbirləri nəticəsində çətənə kolları rayonun Uzuntəpə kəndi ərazisində aşkarlanıb. Ümumi çəkisi 1 ton 825 kiloqram olan 2180 ədəd çətənə kolu yığılıb yandırılmaqla məhv edilib.