Cəlilabad rayonunda intihar hadisəsi baş verib. Bu barədə  Cəlilabad Rayon Prokurorluğunun müstəntiqi Telman Əhmədov məlumat verib.  

O bildirib ki, hadisə rayonun Muğan kəndində Ağayevlər ailəsində qeydə alınıb. Kənd sakini, 1990-cı il təvəllüdlü Rauf Mirzəcamal oğlu Ağayev ötən gecə saat 2-3 radələrində yaşadığı evin həyətindəki yardımçı tikilinin tavan hissəsində özünü kəndirlə asıb. Mərhumun meyiti səhər saatlarında ailə üzvləri tərəfindən aşkar edilib.

Bildirilib ki, Raufun özünə qəsd etməsinin səbəbləri məlum deyil.

Ailədə iki oğuldan böyüyü olan mərhum subay idi.

Faktla bağlı Cinayət Məcəlləsinin özünü öldürmə həddinə çatdırma (125-ci) maddəsi ilə cinayət işi başlanıb, araşdırma aparılır.