Astara. Ağəddin Babayev – APA. Azərbaycanın Astara rayonunda yanğın hadisəsi baş verib.Fövqəladə Hallar Nazirliyinin Astara Rayon Yanğından Mühafizə Hissəsindən APA-nın cənub bürosuna verilən məlumata görə, hadisə yanvarın 20-də saat 22.30 radələrində Rayon İcra Hakimiyyətinin balansında olan və hazırda fəaliyyət göstərməyən balıq istehsalı sexində qeydə alınıb.

Hadisə yerinə iki yanğınsöndürən maşın və canlı qüvvə göndərilib. Onların səyləri nəticəsində yanğının əhatə dairəsinin genişlənməsinin qarşısı alınıb. Yanğın zamanı xəsarət alan olmasa da, ümumi sahəsi 250 kv.m olan sexin dam örtüyü 70 kv.m sahədə yanaraq yararsız hala düşüb.

Faktla bağlı araşdırma aparılır.