Lənkəranda boğulma faktı qeydə alınıb. Bu barədə məlumatı APA-nın Cənub bürosuna Fövqəladə Hallar Nazirliyinin (FHN) Dövlət Sularda Xilasetmə Xidmətinin Lənkəran xilasetmə məntəqəsinin rəisi İlkin Ağayev verib. Onun sözlərinə  görə,  ötən axşam Xəzər dənizinin Lənkəran rayonunun Göyşaban kəndi ərazisində bir  qadının boğulması ilə bağlı onlara daxil olan məlumata müvafiq olaraq dərhal xilasetmə işlərinə başlanıb. Lakin xilasedici heyətin ərazidə gecə saat 01.00 radələrinədək apardığı axtarışlar nəticə verməyib. Bu gün səhər saatlarında isə yenidən davam etdirilən axtarış tədbirləri nəticəsində    qadının meyiti balıqçı toruna ilişmiş vəziyytədə  tapılaraq sudan çıxarılıb və Məhkəmə  Tibbi Ekspertiza və Potoloji Anatomiya Birliyinin Lənkəran zona Mərkəzinə gətirilib. Araşdırmalardan sonra qadının Masallı rayon sakini,  1969-cu il təvəllüdlü  Aygün  Hüseynağa qızı Qədirova olduğu məlum olub.