Astara. Ağəddin Babayev – APA. Hərəkətin təhlükəsizliyini təmin etmək və yol hərəkəti qaydalarını pozan sürücüləri aşkarlamaq məqsədilə Astara Rayon Polis Şöbəsinin (RPŞ) Dövlət Yol Polisi Bölməsinin (DYPB) əməkdaşları şəhər ərazisində reyd keçiriblər. Astara RPŞ-nin DYPB-nin rəis əvəzi İlqar Rəhimzadənin APA-nın Cənub bürosuna verdiyi məlumata görə, bir neçə saatlıq reyd zamanı avtomaşını texniki baxışdan keçirmədiyi, avtomaşınları sürücülük vəsiqəsi olmadan idarə etdiyi, avtomaşına əlavə avadanlıqlar quraşdırdığı, eləcə də polisin əmrinə tabe olmadığı üçün 50-dək sürücü saxlanılıb. Onlardan 30-u barəsində inzibati qaydada protokol tərtib olunub, sürücülük hüququ olmadan idarə olunan 13 avtomobil isə cərimə meydançasına aparılıb.