Yardımlı. Ağəddin Babayev – APA. Yardımlıda güclü yanğın hadisəsi baş verib. APA-nın cənub bürosunun məlumatına görə, hadisə fevralın 3-də rayonun Hamarkənd kənd sakini,  1960-cı il təvəllüdlü Ədalət Balaş oğlu Adışova  məxsus  ikimərtəbəli fərdi evdə qeydə alınıb.

Yanğının söndürülməsindən ötrü hadisə yerinə Fövqəladə Hallar Nazirliyinin Yardımlı Rayon Yanğından Muhafizə Hissəsinin 3 yanğınsöndürən maşını və canlı qüvvəsi cəlb olunub. Onların səyləri ilə  yanğının qonşu tikililərə keçməsinin qarşısı alınıb. Yanğın nəticəsində xəsarət alan olmasa da, 4 otaq və aynabənddən ibarət  ümümi sahəsi 180 kv.m olan ev içindəki məişət əşyaları ilə  birlikdə  yanaraq yararsız vəziyyətə düşüb. 

Faktla bağlı araşdırma aparılır.