Yardımlı rayonunda dəhşətli yol-nəqliyyat qəzası baş verib. Yardımlı Rayon Polis Şöbəsinin (RPŞ) növbətçi hissəsindən APA-nın Cənub bürosuna verilən məlumata görə, hadisə iyulun 23-də saat 23.00 radələrində rayonun Gügəvar kəndi ərazisində  qeydə alınıb.  Qubadlı rayon sakini, 1966-cı il təvəllüdlü İlqar Xaməməd oğlu Hümbətovun idarə etdiyi "VAZ-2106” markalı, 10 YH 746 dövlət nömrə nişanlı  minik avtomobili qəfildən idarəetməni itirərək dərəyə yuvarlanıb. Hadisə yerinə çağrılan Fövqəladə Hallar Nazirliyinin xilasedicilərinin səyləri ilə sürücünün, həmçinin avtomobilin sərnişinləri, Qubadlı rayon sakinləri, 1976-cı il təvəllüdlü Fəxrəddin Məmməd oğlu Hüseynovun və 1968-ci il təvəllüdlü Gülşad Qabil oğlu Əliyevin meyitləri çıxarılaraq aidiyyəti üzrə təhvil verilib.  Ağır bədən xəsarəti almış daha bir sərnişin isə xəstəxanaya yerləşdirilib.

  Faktla bağlı araşdırma aparılır.