Главная » 2012 » Январь » 21 » Yardımlı və Lerik rayonlarında yağan qarın qalınlığı 60-80 santimetrə çatıb
14:10 Yardımlı və Lerik rayonlarında yağan qarın qalınlığı 60-80 santimetrə çatıb |
Srağagün axşam saatlarından
başlayan güclü qar yağıntısı Yardımlı və Lerik rayonlarında bir sıra
problemlər yaradıb. Yardımlı Rayon İcra Hakimiyyəti başçısının birinci
müavini, rayon fövqəladə hallar komissiyasının sədri Azər Xanıyevin APA-nın
cənub bürosuna verdiyi məlumata görə, yağan qarın hündürlüyü rayon
mərkəzində 50 – 60 sm, ucqar ərazilərdə isə 70 – 80 sm təşkil edir.
Masallı rayonundakı yüksək gərginlikli elektrik xətləri qəza vəziyyətinə
düşdüyündən Yardımlı rayonu iki gündür ki, işıqsız qalıb. A. Xanıyev
problemin həlli üçün təxirəsalınmaz tədbirlərin görüldüyünü, ağır
texnikanın köməyi ilə rayon mərkəzindən kəndlərə gediş – gəlişin
dünəndən bərpa olunduğunu bildirib.
Güclü qar qonşu Lerik rayonunda da böyük fəsadlar törədib. Lerik Rayon
Icra Hakimiyyəti başçısının müavini, rayon fövqəladə hallar
komissiyasının sədri Habil Məlikovun APA-nın
yerli bürosuna verdiyi məlumata görə, qarın qalınlığı şəhərdə 80 sm,
dağlıq ərazilərdə isə 90 santimetrə çatıb. H. Məlikov qarın ağırlığından
hər biri 35 kilovoltluq olan Lənkəran-Hamarat və Masallı-Telavar
yüksək gərginlikli elektrik xətlərində qəzanın baş verdiyini, onlarla
elektrik dirəyinin aşdığını, naqillərin qırıldığını bildirib. Nəticədə
Lerik şəhəri də daxil olmaqla, rayonun 162 yaşayış məntəqəsi enerjisiz
qalıb. Dünən axşam saatlarında isə şəhərə və 50-dən çox kəndə enerjinin
verilişi bərpa edilsə də, hazırda daha 100-ə yaxın yaşayış məntəqəsi
işıqsızdır. H. Məlikov enerjinin verilişinin bərpası istiqamətində
tədbirlərin görüldüyünü qeyd edib.
Güclü qar həmçinin nəqliyyatın hərəkətini də iflic vəziyyətə saldığından
Lerikin yaşayış məntəqələri arasında əlaqə qismən kəsilib. Lənkəran –
Lerik şose yolunda da maşınların hərəkətində problemlər yaşanıb. 43
saylı Lerik rayon Yol İstismar İdarəsinin əməkdaşları və ağır texnika
yolların qardan təmizlənməsi işinə cəlb olunub. Hazırda hər iki rayonda
hava sabitdir.
|
Просмотров: 375 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|