Главная » 2011 » Апрель » 30 » Xəzərin Lənkəran sahilində meyiti tapılmış qadının kimliyi müəyyən edilib
12:52 Xəzərin Lənkəran sahilində meyiti tapılmış qadının kimliyi müəyyən edilib |
Xəzər dənizinin Lənkəran sahilində tapılan naməlum qadın meyitinin şəxsiyyəti müəyyənləşib. APA-nın
cənub bürosunun xəbərinə görə, qadın meyiti ötən gün saat 20.05
radələrində balıqçı tərəfindən şəhərin Kiçik Bazar ərazisində, dəniz
sahilində aşkarlanıb. Lənkəran Şəhər Polis Şöbəsinin növbətçi
hissəsindən verilən məlumata görə, hadisə yerinə polis və prokurorluq
orqanlarının əməkdaşlarından ibarət əməliyyat qrupu gəlib və hadisə yeri
ətraflı müayinə olunub. Meyit daxili və xarici müayinə üçün Səhiyyə
Nazirliyinin Məhkəmə-Tibbi Ekspertiza və Patoloji Anatomiya Birliyinin
Lənkəran Zona Mərkəzinə gətirilib. Məhkəmə-tibb eksperti Rafiq Qasımovun
APA-ya verdiyi məlumata görə, ölümün
hansı səbəbdən baş verməsi ancaq aparılan tibbi müayinənin nəticələri
bəlli olandan sonra aydınlaşa bilər.
Faktla bağlı Lənkəran Rayon Prokurorluğunda araşdırmalara başlanıb. Bu
gün isə hüquq-mühafizə orqanlarının səyləri nəticəsində qadının kimliyi
müəyyən edilib. Lənkəran Rayon Prokurorluğundan bildirilib ki, mərhum
Masallı rayonun Mollahəsənli kənd sakini, 1957-ci il təvəllüdlü Qızbəs
Əlisa qızı Qarayevadır. Hazırda rayon Prokurorluğunda qadının hansı
şəraitdə dənizə düşməsi, hadisənin intihar olub-olmadığı ehtimalları
araşdırılır.
|
|
Просмотров: 307 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|