Antalyada təlim-məşq toplanışını davam etdirən “Xəzər Lənkəran” bu gün 3-cü yoxlama görüşündə qüvvəsini sınayıb. Apasport.az saytının məlumatına görə, “ağ-yaşıllar” Elbrus Məmmədovun rəhbərliyi altında Ukraynanın “Metallurq” klubu ilə qarşılaşıb.
“Xəzər Lənkəran”ın Zaporojye təmsilçisi ilə görüşü “Gloriya” otelinin meydançasında baş tutub. Matçda cənublular 1:2 hesabı ilə məğlub olub. 30-cu dəqiqədə Sadio Tounkara ilə hesabı açıb, fasiləyə öndə yollanan “Xəzər Lənkəran” ikinci hissənin sonlarında qapısından 2 qol vuraxıb.
Beləliklə, Elbrus Məmmədovun rəhbərlik etdiyi komanda Antalyada 2-ci məğlubiyyəti ilə üzləşib.
Qeyd edək ki, ilk yoxlama oyununda “Təkirdağspor”la 2:2 hesablı heç-heçə edən “Xəzər Lənkəran” ikinci matçında Almaniya III Bundesliqa təmsilçisi “Kemnitser”ə uduzub – 0:2. “Metallurq” isə hazırda Ukrayna Premyer Liqasının turnir cədvəlində 12 xalla 11-ci yerdə qərarlaşır.
Yoxlama oyunu
17 yanvar
“Xəzər Lənkəran” (AZƏRBAYCAN) – “Metallurq” (Ukrayna) - 1:2
QOLLAR: Sadio Tounkara, 30 - Vitali Qavriş, 85, Sergey Rudika, 89
Baş hakim: Ramin Diniyev
Tərlan Qasımzadə, Ruslan Cəfərov, Elvin Mirzəyev, İlyas Səfərzadə, Tural Cəlilov, Elşən Rzazadə, Alfred Sanko, Rahid Əmirquliyev, Elnur Cəfərov, Sadio Tounkara, Ağabala Ramazanov
|