Главная » 2012 » Февраль » 7 » “Xəzər Lənkəran” Kosta-Rika klubunun prezidentini Azərbaycana çağırdı
14:09 “Xəzər Lənkəran” Kosta-Rika klubunun prezidentini Azərbaycana çağırdı |
Kosta-Rikanın "Kartagines” klubunun prezidenti Xose
Luis Rodriges futbolçu Rendall Brenes”in "Xəzər Lənkəran”a transferi
ilə bağlı danışıqlar aparmaq üçün Azərbaycana yollanıb. Lent.az-ın
"Kartagines”in rəsmi saytına istinadən verdiyi məlumata görə, Rodrigeslə
birgə 29 yaşlı hücumçunun özü və agenti Adolfo Ernandes də səfərə
çıxıb.
Ötən həftə tərəflər arasında futbolçunun keçidinə dair danışıqlar
aparılıb. Danışıqları yekunlaşdırmaq və müqavilə imzalamaq üçün
Kosta-Rika klubunun rəsmiləri ölkəmizdə olacaqlar.
Öz növbəsində, "Xəzər Lənkəran” klubunun mətbuat katibi Yalçın Əliyev
xəbəri Lent.az-a təsdiqləyib. Onun sözlərinə görə, səfər Lənkəran
təmsilçisinin dəvəti əsasında baş tutub. "Kartagines” rəsmilərinin
səfəri danışıqlar yekunlaşanadək davam edəcək.
Qeyd edək ki, Rendall Brenes 13 avqust 1983-cü ildə Kosta-Rikanın
Kartago şəhərində anadan olub. 1,73 m boya malik forvard peşəkar
karyerasına 2003-cü ildə "Kartagines” klubunda başlayıb. Sonradan o,
Norveçin "Bodo Glimt” və Konqsvinger” komandalarında çıxış edib. "10
nömrə” 2010-cu ildə "Kartagines”ə qayıdıb və 44 oyuna 22 qol vurub.
2005-ci ildən Kosta Rika millisinə də dəvət alan Brenes 16 matçda 5 qol
vurub.
|
Просмотров: 263 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|