Главная » 2012 » Январь » 25 » “Xəzər Lənkəran” hakimlərimizin də qaldığı oteli qələbə ilə tərk etdi
17:22 “Xəzər Lənkəran” hakimlərimizin də qaldığı oteli qələbə ilə tərk etdi |
"Xəzər Lənkəran” futbol klubu Türkiyənin Antalya
şəhərinin Bələk qəsəbəsində qaldığı oteli dəyişib. Lent.az-ın
əməkdaşının verdiyi məlumata görə, buna "Spice” otelindəki həddən artıq
sıxlıq səbəb olub.
Yanvarın 25-də səhər saatlarında Lənkəran komandasının üzvləri
azərbaycanlı hakimlərin, Peşəkar Futbol Liqası rəsmilərinin və bir qrup
jurnalistin də qaldığı oteli tərk ediblər. Onlar "Gloriya” otelinə
yollanıblar. Yerdəyişmə öncəsi "ağ-yaşıllar” ikinci yoldaşlıq görüşünü
keçiriblər. Rəqib Almaniyanın "Volfsburq” klubunun ikinci heyəti olub.
"Spice” otelinin meydançasında baş tutan görüşü müxtəlif klubların
nümayəndələri, menecerlər və moldovalı məşqçilər də izləyiblər.
Məşqçilər korpusu bu görüşün start heyətində əsasən gənclərə üstünlük
veriblər. Elvin Mirzəyev, Kamran Abdullazadə, Fikrət Ulduzlu, Akif
Tağıyev ilk dəqiqələrdən meydançada olublar. Türkmənistan millisinin
üzvü Elman Talqayev də ilk "11-lik”də yer alıb. Fasilədən sonra isə
Azərbaycan millisinin üzvləri - qapıçı Kamran Ağayev, yarımmüdafiəçi
Rahid Əmirquliyev də meydançaya çıxıb.
Görüş "Xəzər Lənkəran”ın qələbəsi ilə nəticələnib – 2:1. Bütün qollar
ikinci hissədə vurulub. 63-cü dəqiqədə Elnur Abdullayev gözəl aşırma
zərbəsi ilə "Xəzər Lənkəran”ı önə keçirib. 8 dəqiqə sonra rəqib komanda
hesabda tarazlıq yaradıb. Lakin 77-ci dəqiqədə millimizin daha bir üzvü
Branimir Subaşiç dəqiq zərbə ilə yekun nəticəni müəyyənləşdirib. Bu,
"Xəzər Lənkəran”ın təlim-məşq toplantısında ardıcıl ikinci qələbəsi
olub. Daha öncə "ağ-yaşıllar” Türkmənistan millisindən üstün olublar.
|
Просмотров: 235 |
Добавил: apacenub
| Рейтинг: 5.0/1 |
|
Statistika
Онлайн всего: 1 Гостей: 1 Пользователей: 0
|