"Lənkəran şəhər stadionu oyuna tam hazırdır”. Bu sözləri apasport.az saytına açıqlamasında "Xəzər Lənkəran” klubunun direktoru Höccət Hacıyev deyib.

 

Ölkə ərazisində hökm sürən qarlı və şaxtalı hava şəraiti bir çox stadionların vəziyyətinə də təsirsiz ötüşməyib. Lakin cənub təmsilçisinin rəsmisi bu baxımdan heç bir problem olmadığını bildirib: "Narahatçılığa əsas yoxdur. Yenidən qar yağsa belə, biz lazım olan tədbirləri görəcəyik. "Neftçi” ilə matçın təxirə salınmasından və ya başqa stadionda keçirilməsindən söhbət gedə bilməz”.

 

Hacıyev bazar günü Topaz Premyer Liqasının XX turu çərçivəsində "Xəzər Lənkəran”la "Neftçi” arasında baş tutacaq görüşün statusunun biletlərin qiymətinə təsir etməyəcəyini diqqətə çatdırıb. Onun sözlərinə görə, biletlərin dəyəri digər oyunlarda olduğu kimi, 2 manat təşkil edəcək.