Tovuzda "Turan”ın qonağı olan "Simurq” birinci hissədə Stepan Polyakın qolu ilə irəli çıxsa da, yerli oyunçular ikinci hissədə meydana çıxan Fərid Quliyevin zərbəsindən sonra hesabı bərabərləşdiriblər.  

"Qarabağ” Muarem Murem və Vaqif Cavadovun qollrı ilə AZAL-a qalib gəlib - 2:0.

Günün ən qollu oyunu Lənkəranda olub. Yerli "Xəzər-Lənkəran” "Rəvan”ın qapısından 4 qol keçirib. Qolları – Adrian Pit, Dimitros Sialmas (2 qol), Sadio Tunkara vurublar.

Qeyd edək ki, dünən keçirilən oyunlarda "Kəpəz”  və "Bakı” qolsuz heç-heçə oynayıblar, "Qəbələ” klubu isə "Neftçi”yə 2:1 hesabı ilə qalib gəlib.