Saxta pul kəsməklə məşğul olan Azərbaycanın  Cəlilabad rayon sakini yaxalanıb. APA-nın cənub bürosunun məlumatına görə, Cəlilabad və Biləsuvar Rayon Polis Şöbələri əməkdaşlarının birgə həyata keçirdikləri əməliyyat-axtarış tədbirləri nəticəsində printer vasitəsilə saxta pul kəsən Cəlilabad şəhər sakini, 28 yaşlı Bəhruz Barat oğlu Əsgərov şübhəli şəxs qismində tutulub. Onun evinə baxış keçirilən zaman hər biri 50 və100 manatlıq əskinaslar olmaqla  ümumilikdə 950 manat saxta pul aşkar edilərək götürülüb.
     Faktla bağlı Cəlilabad Rayon Polis Şöbəsində cinayət işi açılıb, araşdırma aparılır