Lənkəran. Ağəddin Babayev - APA. Lənkəranda narkotik vasitələrin satışı ilə məşğul olan şəxs zərəsizləşdirilib. APA-nın cənub bürosunun məlumatına görə, Lənkəran Şəhər Rayon Şöbəsi (ŞRPŞ) əməkdaşlarının həyata keçirdiyi əməliyyat-axtarış tədbirləri nəticəsində Lənkəran şəhər sakini, 1977-ci il təvəllüdlü Anar Yaqub oğlu Ramazanov şübhəli şəxs qismində saxlanılıb.
ŞRPŞ-yə gətirildikdən sonra A.Ramazanovun idarə etdi "VAZ-21074" markalı, 10 NH 535 dövlət nömrə nişanlı minik avtomobilinə baxış keçirilən zaman arxa oturacaqda sellofan torbadakı 5 ədəd sellofan bükümündə olan külli miqdarda hesab edilən 1230,45 qram çəkidə narkotik vasitə sayılan tiryək aşkar edilərək götürülüb. Hazırda polis narkotik vasitənin hansı mənbədən əldə edilməsi istiqamətində tədbirləri davam etdirir.
Qeyd edək ki, saxlanılan A.Ramazanov əvvəllər də məhkumluq həyatı yaşayıb. Faktla bağlı Lənkəran ŞRPŞ-də cinayət işi açılıb, araşdırma aparılır.
|