Главная » 2011 » Ноябрь » 7 » Masallıda Qarabağ əlillərinə yeni mənzil verilib
16:22
Masallıda Qarabağ əlillərinə yeni mənzil verilib
Masallıda I qrup Qarabağ əlili Abuş İbrahim
oğlu Quliyevə və II qrup Qarabağ əlili Elşən Muğdat oğlu Nurəliyevə yeni
mənzillərin orderləri təqdim olunub. APA-nın cənub bürosunun məlumatına görə,
bu münasibətlə keçirilən mərasimdə Masallı Rayon İcra Hakimiyyəti başçısının
müavini Nəsir Muxrarlı çıxış edərək, ölkəmizdə imtiyazlı vətəndaşlara, o
cümlədən şəhid ailələrinə və Qarabağ müharibəsi əlillərinə göstərilən dövlət
qayğısından danışıb. Indiyəcən rayonda 8, 32 və 36 mənzilli üç yeni yaşayış
binasının, 5-dən çox fərdi yaşayış evinin tikilərək şəhid ailələrinin, Qarabağ,
Əfqanıstan və Çernobıl əlillərinin istifadəsinə verildiyini qeyd edən N.Muxrarlı,
yeni mənzillərin order və açarlarını sahiblərinə təqdim edərək, onlara rayon
rəhbərliyinin təbrikini çatdırıb. Qarabağ əlilləri
A.Quliyev və E.Nurəliyev göstərilən yüksək diqqət və qayğıya görə prezident
İlham Əliyevə və rayon rəhbərliyinə minnətdarlıqlarını bildirərək,
respublikamızın ərazi bütövlüyünün bərpa olunması üçün Ali Baş Komandanın
əmrinə hər an hazır olduqlarını bəyan ediblər.