Главная » 2011 » Ноябрь » 18 » Masallıda kompleks mülki müdafiə təlimi keçirilib
17:23 Masallıda kompleks mülki müdafiə təlimi keçirilib |
Fövqəladə Hallar Nazirliyinin
(FHN) Mülki Müdafiə Qoşunlarının hazırlıq planına müvafiq olaraq Masallı
rayonunda "Fövqəladə hadisələrin nəticələrinin aradan qaldırılması
zamanı mülki müdafiə orqan və qüvvələrinin idarə edilməsinin təşkili”
mövzusunda kompleks mülki müdafiə təlimi keçirilib.
APA-nın cənub bürosunun
məlumatına görə, FHN-nin Mülki Müdafiə İşinin Təşkili Baş idarəsinin
Lənkəran Regional fövqəladə hallar və mülkü müdafiə şöbəsi tərəfindən
keçirilən təlimə Masallı Rayon İcra Hakimiyyətinin mərkəzi aparatı,
rayon Fövqəladə Hallar Komissiyası, rayonun mülki müdafiə xidmətləri,
ərazi və obyekt mülki müdafiə qüvvə və vasitələri, eləcə də təsərrüfat
obyektləri cəlb olunub. Kompleks təlimin keçirilməsində məqsəd fövqəladə
hadisə zamanı qarşıda duran vəzifələrin yerinə yetirilməsi hazırlığının
yoxlanılmasından, fövqəladə hallar zamanı əhalinin və işçilərin
mühafizəsinin təşkili ilə bağlı mülki müdafiə tədbirlərinin yerinə
yetirilməsindən, baş vermiş hadisələrin nəticələri aradan qaldırılarkən
xilasetmə və digər təxirəsalınmaz işlərin təşkili və yerinə yetirilməsi
üzrə praktiki vərdişlərin aşılanmasından ibarət olub.
Təlim zamanı rayonun mülki müdafiə qüvvələri şərti olaraq fövqəladə hal
baş vermiş ərazinin mühafizəsi, əraziyə giriş-çıxışın
məhdudlaşdırılması, baş vermiş yanğınların söndürülməsi, kimyəvi
zəhərlənmə zonasının lokallaşdırılması, partlayış baş vermiş obyektdə
kimyəvi kəşfiyyatın təşkili, zərərçəkmişlərə ilk həkim yardımının
göstərilməsi, epidemiya və epizootiyaya qarşı mühafizə tədbirləri və
adamların təhlükəsiz əraziyə təxliyəsi işlərinin aparılması və s. bu
kimi tapşırıqlar yerinə yetirilib.
Təlimin keçirilməsində əsas diqqət komandir-rəis heyətinin idarəetmə
bacaqlarının və mülki müdafiə dəstələrinin şəxsi heyətinin peşəkarlıq
səviyyəsinin artırılmasına, xilasetmə və digər təxirəsalınmaz işlərin
aparılması zamanı təhlükəsiz qaydalarına ciddi riayət olunmasına
yönəldilib. Təlimdə rayonun hərbiləşdirilməmiş dəstələrinin 214 nəfər
şəxsi heyəti və 33 ədəd texnikası iştirak edib.
|
Просмотров: 269 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|