Главная » 2012 » Июнь » 18 » Masallıda baş verən dəhşətli yol qəzasında 3 nəfər ölüb, 3 nəfər ağır yaralanıb
13:47 Masallıda baş verən dəhşətli yol qəzasında 3 nəfər ölüb, 3 nəfər ağır yaralanıb |
Masallı. Ağəddin Babayev – APA. Masallı rayonunda ağır yol-nəqliyyat hadisəsi baş verib. Masallı Rayon Polis Şöbəsinin (RPŞ) növbətçi hissəsindən APA-nın cənub bürosuna verilən məlumata görə, hadisə iyunun 17-də saat 01.20 radələrində Masallı-Yardımlı şosesinin 4-cü kilometrliyində - rayonun Qəriblər kəndi ərazisində qeydə alınıb.
Bakı şəhər sakini, 1985-ci il təvəllüdlü Əbil Ariz oğlu Qocayevin idarə etdiyi "VAZ-2107" markalı, 90 MZ 048 dövlət nömrə nişanlı, Yardımlı rayon sakini, 1978-ci il təvəllüdlü Namiq Mayılxan oğlu Əliyevin idarə etdiyi "VAZ-2107" markalı, 90 XH 713 dövlət nömrə nişanlı və Masallı rayon sakini, 1990-cı il təvəllüdlü İmanqulu Qardaş oğlu Allahyarovun idarə etdiyi "VAZ-2107" markalı, 90 MC 622 dövlət nömrə nişanlı avtomobillər toqquşub.
Nəticədə avtomobillərdə olan sərnişinlər - Masallı rayon sakini, 1985-ci il təvəllüdlü Bağır Qadir oğlu Məmmədov, Bakı şəhər sakini, 1985-ci il təvəllüdlü Xəyal İlqar oğlu Rzayev və Yardımlı rayon sakini, 1990-cı il təvəllüdlü İsgəndər Rasim oğlu Əliyev hadisə yerində ölüblər.
Hər üç avtomobilin sürücüsü isə müxtəlif dərəcəli bədən xəsarətləri ilə Masallı Mərkəzi Rayon Xəstəxanasına yerləşdiriliblər. Onların vəziyyəti orta-ağır qiymətləndirilir.
Faktla bağlı Masallı Rayon Prokurorluğunda araşdırma aparılır.
|
Просмотров: 282 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|