Azərbaycan Respublikası Gənclər və İdman Nazirliyi yaradılmasının
18-ci ildönümü ilə əlaqədar Masallı rayon Gənclər və İdman İdarəsində yığıncaq
keçirilib. APA-nın Cənub bürosunun məlumatına görə, tədbirdə idarənin rəisi Camal
Manafov "Gənclər siyasəti haqqında
Azərbaycan Respublikası Qanununun” , Azərbaycan Gəncliyi Dövlət Proqramının(2011-2015-ci
illər), " Azərbaycanın gənc idmançılara dövlət qayğısı haqqında” Azərbaycan
Respublikası Prezidentinin Fərmanının və digər normativ sənədlərin gənclərin fiziki
inkişafında, onların asudə vaxtlarının səmərəli təşkilində müstəsna mövqeyindən
danışıb. Masallı idmançılarının rayondaxili və rayondankənar yarışlarda uğurlu
çıxışlarından danışan idarə rəisi bu yarışlardan rayona 6 qızıl , 6 gümüş , 9
bürünc medal gətirildiyini bildirib. Hikmət Alışov, Gülgün Niftullayeva
Məlikağa Məlikli, Sücaət Orucov, Türkanə Tahirli, Elçin Ələmxanlı kimi
idmançılar bu gün masallıların fəxr etdikləri gənclərdir.
Tədbirdə rayon İcra Hakimiyyəti aparatının
böyük məsləhətçisi Babək Məmmədov, Uşaq-Gənclər İdman Məktəbinin məşqçisi Tahir
Məmmədov, Şahmat məktəbinin direktoru Famil Fərmanlı, sərbəst güləş üzrə baş
hakim Bəhram Məmmədov və digərləri gənclər siyasətinin uğurlarından danışıblar.
Sonda rayonun İdman həyatında fəal iştirak
edən bir qrup müəllim və məşqçiyə mükafatlar verillib.
|