Bu gün Masallı rayonunun Xırmandalı
kəndindəki cıdırda atçılıq üzrə yarış keçirilib. APA-nın cənub bürosunun
məlumatına görə, yarışlara Masallıdan,
eləcə də ətraf rayonlardan 50-ə yaxın çapar qatılıb. Münsiflərin seçimindən
sonra finala 15 çapar vəsiqə qazanıb. Bu çaparlar Azərbaycanda məşhur sortlar
olan Kəhər, Boz, Çal, Qaraquş, Kürən atlarının üstündə yarışıblar. Yarışın
qaydalarına görə, iştirakçılar 1000 metr məsafəni qət etməli və qısa müddətdə
finişə tez çatan çapar qalib elan olunmalı idi. Yarışdan əvvəl tamaşaçıların
Cerri və Neqr ləqəbli kəhər atlarının qalib olacağı proqnozu özünü doğruldub.
Belə ki, çapar Elnur Ismayılovun kəhər atı birinci yeri qazanıb.
Münsiflər heyətinin üzvü Qulu Gözəlov 10
ildən bəri keçirilən bu cür yarışların artıq ənəyə çevrildiyini bildirib.
Qeyd edək ki, qalib çapara pul mükafatı
təqdim olunub.
|