Главная » 2012 » Январь » 18 » Masallıda 20 Yanvar şəhidlərinin anım tədbiri keçirilib
17:22 Masallıda 20 Yanvar şəhidlərinin anım tədbiri keçirilib |
Masallı Rayon İcra Hakimiyyəti (RİH) başçısının
təsdiq etdiyi tədbirlər planına müvafiq olaraq 20 yanvar faciəsinin 22-ci
ildönümü ilə əlaqədar silsilə tədbirlərə start verilib. APA-nın cənub bürosunun məlumatına görə, belə
tədbirlərdən biri 20 Yanvar şəhidi
İsbəndiyar Zülalovun adını daşıyan İsgəndərli kənd orta məktəbində keçirilib. Tədbirdə
çıxış edən RİH aparatının ictimai təşkilatlar və siyasi partiyalarla iş
şöbəsinin müdiri Seyfəddin Əliyev Azərbaycan xalqının tarixinə "Qanlı yanvar”
kimi daxil olmuş hadisələrdən danışaraq, milli azadlıq yolunda canlarından
keçmiş vətən övladlarının öz qanları ilə xalqımızın qəhrəmanlıq səlnaməsinə parlaq
səhifə yazdıqlarını bildirib. Natiq çıxışında həmçinin ümummilli lider Heydər
Əliyevin ölkə rəhbərliyinə ikinci qayıdışından sonra 1994-cü ildə 20 yanvar
hadisələrinə siyasi-hüquqi qiymət verildiyini, cinayət törədənlərin adlarının
geniş ictimaiyyətə çatdırıldığını qeyd edib.
Məktəbin
müəllimlərindən Firəngiz Niftiyeva, Museyib Əkbərov və başqaları 20 Yanvar
şəhidi İsbəndiyar Zülalovla bağlı xatirələrini dilə gətirərək, onun çalışqan
şagird olduğunu, Vətənini canından artıq sevdiyini dilə gətiriblər. Çıxış edənlər
gənc nəslin vətənpərvərlik ruhunda yetişməsində örnək olan şəhidlərimizin xatirəsinin
xalqımızın qəlbində daim yaşayacağını bildirərək, Azərbaycan Respublikasının
BMT-nin Təhlükəsizlik Şurasına qeyri-daimi üzv seçilməsinin həm bütün dünya azərbaycanlılarında,
həm də ölkəmizin vətəndaşlarında böyük qürur hissi döğurmaqla yanaşı, qondarma
Dağlıq Qarabağ probleminin sülh yolu ilə beynəlxalq hüquq normaları
çərçivəsində ədalətli şəkildə həllinə inamın daha da artdığını qeyd ediblər.
Sonda
məktəblilərin ifasında ədəbi-bədii kompozisiya nümayiş olunub.
|
Просмотров: 220 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|