Mal-qara oğurluğu ilə məşğul olan Masallı və Cəlilabad rayon sakinləri tutulub - 1 Августа 2012

Главная » 2012 » Август » 1 » Mal-qara oğurluğu ilə məşğul olan Masallı və Cəlilabad rayon sakinləri tutulub

14:58 Mal-qara oğurluğu ilə məşğul olan Masallı və Cəlilabad rayon sakinləri tutulub
Masallı və Cəlilabad rayon sakinlərinə məxsus mala-qara oğurluğunda şübhəli bilinən şəxslər tutulub. APA-nın Cənub bürosunun məlumatına görə, Daxili İşlər Nazirliyinin (DİN) Baş Cinayət-Axtarış İdarəsi (BCAİ) və Masallı Rayon Polis Şöbəsi (RPŞ) əməkdaşlarının birgə həyata keçirdikləri əməliyyat-axtarış tədbirləri nəticəsində iyulun 30-da yerli fermer Elməddin Qəmbərova məxsus fermadan 4 baş qoyun oğurlamış rayon sakinləri Rəşad Nəcəfov və Əlifağa Məmmədov tutularaq istintaq orqanlarına təhvil verilib. Analoji hadisə qonşu Cəlilabad rayonunda da qeydə alınıb. DİN BCAİ ilə Cəlilabad RPŞ əməkdaşlarının birgə həyata keçirdikləri əməliyyat-axtarış tədbirləri nəticəsində iyulun 23-də rayonun Məşədihüseynli kəndinin otlaq sahəsindən kənd sakini Rafiq Tanrıverdiyevə məxsus 5 baş inəyi oğurlanmış rayon sakinləri Rövşən Əzizov və Mübariz Kərimov da tutulublar. Hər iki faktla bağlı cinayət işi açılıb, araşdırma aparılır.
1 2 3 4 5 Просмотров: 243 \| Добавил: apacenub \| Рейтинг: 0.0/0