Əmək qəhrəmanı Qızqayıt Həsənova vəfat edib - 22 Августа 2012

Главная » 2012 » Август » 22 » Əmək qəhrəmanı Qızqayıt Həsənova vəfat edib

18:51 Əmək qəhrəmanı Qızqayıt Həsənova vəfat edib
Sosialist Əməyi Qəhrəmanı Qızqayıt Salman qızı Həsənova vəfat edib. APA-nın cənub bürosuna verilən məlumata görə, Q. Həsənova doğulduğu Biləsuvar rayonunun Xırmandalı kəndində 78 yaşında dünyasını dəyişib. Q. Həsənova 1924-cü ildə anadan olub. Əmək fəaliyyətinə sıravi kolxozçu kimi başlayıb. Pambıqçılıqda yüksək əmək göstəricilərinə görə o, 1947-ci ildə Lenin ordeni ilə təltif olunub, Sosialist Əməyi Qəhrəmanı fəxri adına layiq görülüb. 1953-cü ildən 1996-cı ilə kimi Xırmandalı kəndindəki Telman adına kolxozun sədri işləyib. Q. Həsənova 1975-ci ildə Kənd Təsərrüfatı Akademiyasını bitirib. 1984-cü ildə Telman adına kolxoza Qızqayıt Həsənovanın adı verilib. Q. Həsənova V-VI çağırış SSRİ Ali Sovetinin, II-X çağırışlar olmaqla 9 dəfə Azərbaycan SSR Ali Sovetinin deputatı, dəfələrlə Azərbaycan KP MK-nın, Azərbaycan SSR Ali Soveti Rəyasət Heyətinin üzvü, Azərbaycan KP Biləsuvar rayon komitəsinin büro üzvü seçilib. 6 Lenin, 2 Oktyabr İnqilabı, 1 Qırmızı Əmək Bayrağı, 1 Xalqlar Dostluğu ordenləri, müxtəlif medal və dövlət mükafatları ilə təltif olunub. Azərbaycan Respublikası Prezidentinin təqaüdçüsü olub. Məşhəd, Kərbəla və Həcc ziyarətlərində olub.
1 2 3 4 5 Просмотров: 279 \| Добавил: apacenub \| Рейтинг: 0.0/0